कार्यक्रमको बारेमा: को बन्छ करोडपति

को बन्छ करोडपति ब्रिटिश कार्यक्रम “Who Wants to be a Millionaire” मा आधारित नेपाली खेल कार्यक्रम हो| नेपाली चलचित्र जगतका “महानायक” भनेर चिनिने राजेश हमालको प्रस्तुति रहेको कार्यक्रम नेपाली दर्शकमाझ पौष १४ गते दखि AP1HD र AP1SD च्यानलबाट प्रसारण हुँदैछ| उक्त ब्रिटिश मुलको कार्यक्रमको भारतीय संस्करण “कौन बनेगा करोडपति”ले अद्वितीय सफलता हासिल गरेको एक दशक नाघिसकेको छ| विश्वभरिका १६० भन्दा बढी देशहरुमा कार्यक्रमको शृंखलाले खेल गहिरो छाप छोडिसकेको छ| यस सिलसिलामा सहभागी हुने अबको पालो हो, नेपालको|

हजारौं आकांक्षी प्रतिस्पर्धीहरु, दर्शक एवं प्रशंसकहरुबाट नेपालमा स्वागत पाईसकेको को बन्छ करोडपतिले दर्शकको स्वदेशी कार्यक्रम हेर्ने दृष्टिकोणमा नया आयाम थप्ने लक्ष्य बोकेको छ| नेपाल जस्तो विकासोन्मुख राष्ट्रको परिप्रेक्षमा कार्यक्रमले फरक उर्जा र आत्मबल थपेको छ| ज्ञान र शिक्षाको प्रवर्धनका लागि उदयीमान बनेको “को बन्छ करोडपति”ले आफ्नो प्रसारण अवधिभर सशक्तिकरणलाई केन्द्रविन्दुमा राख्नेछ| हरेक हप्ता शुक्रबार, शनिबार र आइतबार गरि कार्यक्रमका कुल ५२ एपिसोडहरु प्रसारण हुनेछन| लाखौँ दर्शकको आशा बोकेको को बन्छ करोडपति पूर्ण तयारीका साथ रणभूमिमा उत्रदैंछ|

कार्यक्रमको दृष्टान्त

अन्तर्राष्ट्रिय स्तरमै चिरपरिचित ढाँचामा चल्ने हुँदा को बन्छ करोडपतिका अन्य संस्करणहरु हेरिसक्नुहुने दर्शक महानुभावहरु खेलका नियम, तौड तरिका र राम्रैसंग घुलमिल भईसक्नु भएको छ| KBC नेपालमा पनि सोहि अनुसार प्रस्तोताले सोध्ने प्रश्नहरुका उत्तर “हट सिट”मा बसेका प्रतिस्पर्धीले दिन्छन| खेलमा १५ प्रश्नहरुको बिभिन्न पढ़ाव रहेका छन् भने प्रत्यक प्रश्नले केहि धनराशी बोकेको हुन्छ| सहि उत्तर दिएमा प्रतिस्पर्धीले सो प्रश्नको मूल्य बराबरको धनराशी जित्न सक्नेछन| सुरुवाती पढ़ावमा सजिला भएपनि प्रश्नहरु क्रमशः कठिन हुँदै जान्छन|

१५औँ अर्थात खेलको अन्तिम प्रश्नको मूल्य रु. १ करोड रुपैयाँ रहेको छ| खेलमा अन्तिम तगारो भएकाले अवश्य पनि सबैभन्दा कठिन हुने र ज्ञानको सच्चा उपयोग गर्नेले मात्रै यहाँसम्म पुग्ने अनुमान गरिएको छ| को बन्छ करोडपति सुरुदेखि अन्त्यसम्म यहि सर्वश्रेष्ठ प्रतियोगीको खोजीमा रहनेछ|

घरघरका टेलिभिजन स्क्रिनमा KBC हेर्नुहुने दर्शक महानुभावहरुका लागि पनि बिशेष लखपति बन्ने अवसर रहेको छ| प्रत्यक एपिसोडको अन्त्यमा घरमै बसी लखपति हुने अवसरका लागि प्रश्न पेश गरिनेछ| सहि उत्तर दिने मध्ये कुनै एक प्रतियोगिलाई उक्त धनराशी प्रदान गरिनेछ| उत्तर SMS मार्फत पठाउन सकिन्छ|

छनोट प्रक्रिया र प्रावधान

KBC को पहिलो संस्करणमा प्रतिस्पर्धा गर्न इच्छुकले SMS मार्फत आफ्नु उम्मेद्वारी दिन सक्नेछन| प्रसारण हुनु अघि नै दर्ता गर्ने प्रक्रियामा कार्यक्रमले सामान्य ज्ञान प्रतियोगिता आयोजना गरिसकेको छ|

SMS गरिसकेपछी प्रतिस्पर्धीले प्रतिक्रियाका लागि केहि समय प्रतिक्षा गर्नुपर्नेछ| प्रतिक्षाको फल सधैं मिठो हुन्छ|

कार्यक्रममा छनोट हुनलाई केहि विशेष प्रावधानहरु रहेका छन्| प्रतिस्पर्धीहरुले निम्न रहेका प्रावधानहरु पालना गर्नुपर्ने हुन्छ:

• प्रतिस्पर्धी नेपालको नगारिक एवं वासिन्दा हुनुपर्दछ
• प्रतिस्पर्धीको उमेर १८ वर्षभन्दा माथि हुनुपर्दछ

SMS मार्फत दिएको उम्मेदवारीमा छनोट भएकाहरुको बिभिन्न चरणमा अन्तर्वार्ता लिईन्छ| अन्तर्वार्तामा प्रभाव पार्न र अरु प्रतिस्पर्धीलाई उछिन्न सफल हुनेलाई “फास्टेस्ट फिंगर फस्ट”का लागि छनोट गरिन्छ| KBC को स्टुडियोमै हुने “फास्टेस्ट फिंगर फस्ट” बाट हरेक पटक कुनै एक उत्कृष्ट सहभागी सर्वगुणी “हट सिट”का लागि योग्य हुनेछन|

खेलका नियम र महत्वपुर्ण पाटाहरु

KBC नेपालको सबैभन्दा बहुमुल्य गहना हो, हट सिट| एकपटक भएपनि हट सिटमा बस्न पाए जीवन सार्थक हुने मानिन्छ| र नहोस् पनि किन, को बन्छ करोडपतिको हट सिटमा मानिसलाई रातारात चर्चित र सम्पन्न बनाईदिने शक्ति छ| खेलका प्रश्नहरु पार गर्दै गएमा धनराशी पनि बढ्दै जान्छ| हट सिटमा बसिसकेपछि सर्वप्रथम प्रस्तोताले प्रतिस्पर्धीको परिचय दिने गर्छन|

खेलका नियमहरुसंग परिचित भएपछी मात्र खेल अगाडी बढ्छ| KBC को सर्वमान्य ढाँचामा निम्न पाटाहरु निकै महत्वपुर्ण मानिन्छन:

१. पढ़ावहरु: खेलको क्रममा दुई ओटा पढ़ावहरु रहेका छन्| पहिलो पढ़ाव रु. १०,००० जितेपछि पार हुन्छ भने दोस्रो रु. ३,२०,००० सुरक्षित भएपछी आउँछ| कुनै एउटा पढ़ाव पार गरेपछि प्रतिस्पर्धीले गलत उत्तर दिएमा वा खेल छोड्न चाहेमा उक्त सुरक्षित रकम आफ्नो साथ लिएर जान सक्नेछन| टेलिभिजनमा पढ़ावका प्रश्नहरुमा पहेंलो चिन्ह लगाईएको हुन्छ|

२. लाइफलाइन: प्रत्यक प्रतिस्पर्धीले ३ ओटा लाइफलाइनहरु प्रयोग गर्न पाउनेछन| प्रश्न अफ्ठ्यारो भएको खण्डमा सहयोगी हातका रुपमा यी लाइफलाइन रहेका छन्|

५०:५०- चार मध्ये दुई गलत उत्तरहरु हटाइन्छ र बचेका दुई मध्ये कुनै एक उत्तर छान्नु पर्ने हुन्छ| आफुलाई दुविधामा पारेका दुईमध्ये एक उत्तर हटेमा यसको सहि उपयोग हुने मान्न सकिन्छ|

अडियन्स पोल- दर्शकदिर्घाबाट सहयोग पाउनु प्रतिस्पर्धीका लागि ठुलो प्रेरणा हुनसक्छ| कठिन प्रश्नको उत्तर दिई सहयोग गर्नका लागि भोटिंग मिटर हात मा लिई दर्शकले आफ्नो भोट पस्किन्छन्| धेरै भोट पाउने उत्तर

फोन-अ-फ्रेन्ड: यो विकल्प रोजेमा प्रतिस्पर्धीले आफ्ना कुनै एक मित्र वा परिवारजनलाई टेलिफोनमार्फत सम्पर्क गरि प्रश्नको उत्तर मागी पाउन सक्छन| प्रश्न पढेर सुनाई उत्तर लिन ३० सेकन्ड समय दिईएको हुन्छ|

३. खेल क्विट गर्ने: प्रश्न कठिन वा उत्तरमा संकोच भएमा प्रतिस्पर्धीले खेल “क्विट” गर्ने विकल्प रोज्न पाउनेछन| क्विट गर्दा जितिसकेको धनराशी सुरक्षित आफ्नो साथ राख्न पाइनेछ|

टेलिभिजन कार्यक्रम प्रस्तुति, प्रसारण, हेराई र विश्लेषणका आधारमा एक फरक धार सहित को बन्छ करोडपति उदाएको छ| “ज्ञान बाडौं र बढाऔँ” भन्ने मूल नारा सहित हामी अनगिन्ति जीवनहरुमा सकारात्मक र प्रेरणात्मक प्रभाव पार्नका निम्ति सदा तत्पर छौं| ज्ञानको उपयोग मार्फत नेपाली समाजमा कस्ता योगदान पुर्याउन सकिन्छ भन्ने दृष्टान्त को बन्छ करोडपतिले झल्काउँछ| र यस साथसाथै नेपाली टेलिभिजन जगतको उदाहरणिय प्रस्तुतिका रुपमा आफुलाई खडा गर्नेछ|