कार्यक्रमका प्रस्तोताको बारे: राजेश हमाल

शिघ्र नै नेपाली टेलिभिजन जगतले फेरी आनन्दमयी सास फेर्नेछ| किनभने, लाखौँ मुटुका ढुकढुकी, राष्ट्र तथा अन्तर्राष्ट्रिय छेत्रमै सम्मानित, राष्ट्रव्यापी महागुणी “महानायक” राजेश हमाल आउंदैछन्| लाग्छ, समय त्यँही ठप्प रोकियोस्| तर समय रोक्ने सामर्थ्य कसैमा छैन| र समय अगाडी नबढे हमालको प्रस्तुति रहने “को बन्छ करोडपति”ले पनि त निरन्तरता पाउंदैन!

राजेश हमालको चर्चा उनको उमेरसंगै झन् बढ्दो र निख्रिँदो छ| झन्डै ३ दशक नेपाली कला क्षेत्रमा अतुलनीय योगदान दिइसकेका राजेश हमालले नेपाली र अन्य भाषामा समेत गरि ३०० भन्दा बढी चलचित्रमा आफ्नो पसिना खटाइसकेका छन्| जुन ९, १९६४ मा पाल्पाको तानसेनमा जन्मिएका हमाल जीवनका ५४ खुड्किला पार गरेर अभूतपूर्व उचाईमा पुगेका छन्| अग्ला कद अनि गहकिलो र आकर्षक व्यक्तित्वले सुसज्जित उनको चलचित्र जगतमा एउटा उदाहरणिय प्रतिष्ठा| यस्तो लोभलाग्दो आदर्श सायदै अरु कलाकारको होला|

कलाकार, निर्माता, निर्देशक र साथसाथै सामाजिक कार्यकर्ताका रुपमा चिनिने हमाल कलाक्षेत्रका एक बहुप्रतिभाशाली व्यक्तित्व हुन| उनको पृथक शैली र निरन्तर सक्रियताका कारण उनको दर्शक र समर्थकमाझ निश्चल छवी रहेको छ|

लामो समयको पर्खाइ पश्चात अन्तर्राष्ट्रिय मुलको उच्चस्तरीय खेल कार्यक्रम नेपाल भित्रिंदै छ| को बन्छ करोडपति जस्तो अन्तरक्रियात्मक खेल कार्यक्रमका लागि वाकशैलीमा आफ्नो तीव्र क्षमता प्रमाणित गरिसकेका राजेश हमाल सुहाउँदा पात्र हुन्|

निजि जीवन र कलाक्षेत्रमा सक्रियता

पाल्पाको तानसेनमा प्रारम्भिक शिक्षा हासिल गरेका राजेश हमालले दिल्ली विश्वविद्ध्यालयमा अंग्रजी साहित्य मा एम.ए प्राप्त गरेका छन्| शिक्षित पृष्ठभूमि रहेको उनको परिवारमा हमालका बुवा रुसका लागि तत्कालिन नेपाली राजदुत थिए| त्यसै सिलसिलामा बुवा रुसमै बसोबास गर्नुपर्ने हुँदा उनी उच्च शिक्षा हासिल गर्न राजधानी मस्कोतिर लागे|

नेपाली कलाक्षेत्रमा आफ्नो वाककलाको स्पष्टताले संसारभरि ख्याती कमाएका छन् कमै कलाकार छन्| राजेश हमाल त्यस्ता दुर्लभ व्यक्तित्व हुन् जसको बोल्ने शैली र शब्द चयनमा जोकोही मन्त्रमुग्द्ध हुन सक्छन| खास गरिकन अंग्रेजी भाषामा उनको ज्ञान र निपुणता सर्वत्र प्रशंसनीय मानिंदै आएको छ|

हमाल २७ वर्ष देखि नेपाली चलचित्र क्षत्रमा स्थापित कलाकार हुन| अनेकौं भूमिका निर्वाह गरिसकेको उनको कलाकारितामा पर्दापण भने सन् १९९१ मा हिट चलचित्र “युग देखि युग सम्म” बाट भएको थियो| पहिलो प्रयासमै मन पराइए पश्चात उनले लगातार प्रमुख पात्रको भूमिका पाई दशौँ चलचित्रमा काम गर्ने अवसर पाए| उनको कलाकारिता जीवन निष्ठा र परिश्रमको एउटा अपार उदाहरण हो| हमालका अन्य सुपरहिट चलचित्रहरु चट्यांग (१९९३), अपराध (१९९४), सडक (१९९५), पृथ्वी (१९९५), जुन तर (१९९७), शंकर (१९९८), कान्छा (२०००), धन सम्पति (२००२), युद्ध (२००२) आदि रहेका छन्| यी सबै भूमिकाले एक वा अर्को माध्यम बाट उनको चर्चा चुल्याए| कसम (१९९३), देउता (१९९३), चोर(१९९८),एक नम्बरको पाखे (१९९९), बसन्ती (२०००) and हामी तिन भाइ (२००४) पनि लोकप्रिय चलचित्रहरु मध्ये पर्दछन| राजेश हमालको नाममा साना ठुला गरि ८६ राष्ट्रिय चलचित्र अवार्ड छन्| र साथसाथै १०० भन्दा बढी मनोनयनमा पर्न सफल भएका छन्|

उनीसंग चलचित्रमा अभिनय गरिसकेका सयौं कलाकर्मीहरुलाई पनि चलचित्रक्षत्रमा स्थापित गराउन उनको ठुलो भूमिका देखिएको छ| आफ्नो काम र वचनले आफ्ना वरिपरीका मानिसमा प्रेरणा र उर्जा थप्न माहिर मानिने हमाल सकारात्मक सोचका धनि छन्| जीवनमा धेरैपटक ठक्कर खाएर पनि आफ्नो पाउमा खडा हुन सफल उनको आत्मबलको कदर गर्नुपर्दछ| कष्ट र अनेक उतारचढावहरुको सामना गरि शिर उठाएर आफ्नो क्षत्रमा अब्बल राजेश हमालको जीवनरेखाबाट युवाहरुले सिक्ने पाठ धेरै छन्|

सामाजिक परोपकारका कार्यमा सक्रियता

नेपाली शभ्य समाजमा उच्च सम्मान हासिल गरिसकेका राजेश हमाल कलाकार मात्र नभई एक सक्रिय सामाजिक कार्यकर्ता पनि हुन| सन् २०१५ मा गएको महाभूकम्पका बेला हमाल पेरिसमा थिए| यति हुँदा हुँदै पनि उनी नेपाल फर्किएपछि भूकम्पले गरेको विनाश निवारण गर्नतिर लागे| जनताले सदा इच्छाएका कलाकार यसरी “बिल्डिंग ब्याक इनिसिएटिभ”का सद्भावना राजदुत पनि रहेका छन्| बिल्डिंग ब्याक इनिसिएटिभले हमालसंग सहकार्य गरेर दिगो वातावरणीय पुनर्निर्माणको कार्य अगाडी बढाईरहेको छ| यति मात्रै नभएर उनी श्रमशोषण र बाल अधिकारका सामाजिक अधिवक्ता पनि हुन्|

KBC नेपालमा राजेश हमालको नेतृत्व

को बन्छ करोडपतिका आकर्षणहरु अनगिन्ति छन्| तर तिमध्ये कार्यक्रममा आकर्षणका केन्द्रविन्दु महानायक राजेश हमाल नै हुनेछन| लाखौँ दर्शक, हजारौं आकांक्षी प्रतिस्पर्धीहरुको आशाको ठेकी उनैको इसारामा खुल्नेछन्| KBC मार्फत हमालको सफल र सक्षम नेतृत्वको पनि पर्खाइ रहेको छ| टेलिभिजनका दर्शकहरु बढाउन, टेलिभिजन हेर्ने आचरण बदल्न र यस क्षत्रमा अझै अवसरहरु सिर्जना गर्न राजेश हमालको स्तर र दक्षताको मुख्य हुन्छ| कार्यक्रमले हमालको अन्तरक्रियात्मक छविको विकास गर्न र अझै धेरै साझा जीवनहरुसंग मेल गराउन पनि मद्दत पुर्याउँछ| कार्यक्रम KBC र यसका प्रस्तोता राजेश हमालको यस्तो तालमेल छ, मानौं यी दुई एक अर्कासंगै गाँसिएका छन्| कार्यक्रम र प्रस्तोताबिच हुनु पर्ने सम्बन्ध यस्तै नै हो|

KBC नेपालको खेलमा कसैको जीवन नै परिवर्तन गर्न सक्ने अद्भुत शक्ति छ| साथसाथै राजेश हमालमा आफ्ना दर्शक र प्रशंसकहरुको मन बहलाउन सक्ने गजबको जादु छ| यी दुई कुराको सम्मिश्रण भएर राष्ट्रव्यापी बहुचर्चित टेलिभिजन खेल कार्यक्रमको जन्म भएको छ| र यसैको नाम हो, को बन्छ करोडपति |